Laus sæti í nemendaráði Garðaskóla

Við óskum eftir áhugasömum 8. bekkingum til starfa í nemendaráð Garðaskóla skólaárið 2019 - 2020.

Í nemendaráði sitja þeir fulltrúar nemenda sem hafa áhuga á sinna hagsmunagæslu og velferðarmálum nemenda í Garðaskóla. Nemendaráð, í samstarfi við stjórnendur og annað starfsfólk skólans, vinnur að því að gera góðan skóla enn betri. Nemendaráðið ber ábyrgð á því að sjónarmið nemenda í Garðaskóla berist stjórnendum skólans. Þetta er ábyrgðarhlutverk en líka mjög gefandi því á þessum vettvangi fá nemendur tækifæri til að koma hlutum í verk.

Dæmi um verkefni sem nemendaráð hefur unnið eru:ábendingar til kennara um áhugaverðar valgreinar

• hafragrautur í boði skólans
• sófar í mörg rými skólans

• jafnréttisstefna skólans

• símalaus dagur/spil og leiktæki í rými skólans

• samantekt og úrvinnsla á hugmyndum nemenda skólans um það sem má bæta í skólastarfinu

• komið hugmyndum á framfæri til aðila sem tengjast skólanum s.s. arkitekta, garðyrkjustjóra, foreldraráðs, skóladeildar og mötuneytis

• samstarf við ýmis ráð og nefndir skólans

Nemendaráð fundar ca 1-2 sinnum í mánuði. Fundartími er yfirleitt á hádegi eða á umsjónartíma.

Í nemendaráði þurfa að sitja fulltrúar beggja kynja og allra árganga.

Þeir sem hafa áhuga á að starfa í nemendaráði er bent á að sækja um með því að senda tölvupóst: gs-nemendarad@gbrskoli.is

Nánari upplýsingar hjá aðstoðarskólastjóra.