Prjónað til styrktar Japan

Í haust tóku textílvalhópar 9. bekkjar þátt í verkefni til styrktar Japönum sem misstu heimili sín í stóra jarðskjálftanum í mars sem lagði heilu þorpin í rúst. Verkefnið fólst í því að prjóna á heimilislausa og illa stadda einstaklinga vettlinga, húfur og sokka en í Japan eru veturnir langir og kaldir eins og hér heima.

Nú er þessu verkefni lokið og Yayoi japönsk kona búsett í Garðabæ hefur í samvinnu við póstinn tekið að sér að koma prjónuðum verkefnum nemenda Garðaskóla þangað sem þörfin er mest. Við sendum því hlýjar kveðjur til Japan þetta árið.