Heimsókn á Náttúrufræðistofu Kópavogs

Nýlega fóru nemendur í 9. bekk í heimsókn á Náttúrufræðistofu Kópavogs, þar sem er fjölbreytt safn náttúrugripa, ásamt búrum með bæði sjávar- og ferskvatnslífverum. Þar að auki stendur Náttúrufræðistofa að fræðslu og rannsóknum í náttúrufræðum og stuðlar að náttúru- og umhverfismennt.

Undanfarið hafa 9. bekkingar verið að læra um hryggdýr og því kjörið að heimsækja Náttúrufræðistofu og sjá og fræðast nánar um námsefnið. Við færum líffræðingum stofunnar kærar þakkir fyrir góðar móttökur.