Starfskynningar 10. bekkingja á Landspítalanum

Fyrstu starfskynningar 10.bekkinga hófust í síðustu viku en þá fóru nítján áhugasamir nemendur frá Garðaskóla í starfskynningu á Landspítalann við Hringbraut. Þar fengu þau kynningu á störfum í heilbrigðisgeiranum þar sem hjúkrunarfræðingur, læknir, sjúkraliði, ljósmóðir og lífefnafræðingur kynntu störf sín á persónulegan og líflegan hátt.

Á myndinni má sjá sjálfboðaliða úr hópi nemenda í búningi skurðhjúkrunarfræðings, en við langar aðgerðir þurfa hjúkrunarfræðingar og aðrir starfsmenn oft að vinna við erfiðar aðstæður í lengri tíma.

Nemendahópurinn var sjálfum sér og skólanum til sóma og var eftirtektarvert hvað nemendur voru duglegir að spyrja heilbrigðisstarfsfólkið ýmissa spurninga til að fræðast enn betur um störf þeirra.