Heim Beint á efnisyfirlit síðunnar

Heilsueflingardagar Garðaskóla 6. og 7. júní

07.06.2016
Heilsueflingardagar Garðaskóla 6. og 7. júní

Dagana 6. og 7. júní litaðist skólastarf Garðaskóla  af heilsueflingu og útiveru af ýmsu tagi.

Mánudaginn 6. júní fóru allar árgangar í gönguferðir. 8. bekkurinn fór með rútu í Kaldársel og labbaði heim í Garðaskóla. 9. bekkurinn gekk upp á eða í kringum Helgafell á meðan 10. bekkurinn gekk upp að Steini á Esjunni.

Þriðjudaginn 7. júní hófst dagurinn svo á skólahlaupi hjá öllum árgöngum. Við tóku svo mismunandi leikja- og hreyfingarsmiðjur en eftir matinn söfnuðust nemendur saman og horfðu á spretthlaup og æsispennandi fótboltaleik milli nemenda og kennara. Veðrið lék við hópinn allan daginn og það voru kátir starfsmenn og nemendur sem kvöddust seinni partinn.

Myndir frá heilsueflingardögunum má sjá í myndaalbúminu og myndband sem tekur saman dagskrá þriðjudagsins má sjá hér. 

Til baka
English
Hafðu samband