Heim Beint á efnisyfirlit síðunnar

Nemendur í 9. og 10. bekk á framhaldsskólakynningu í Laugardalshöll

23.03.2017
Nemendur í 9. og 10. bekk á framhaldsskólakynningu í Laugardalshöll

Föstudaginn 17. mars var nemendum  í  9. og 10. bekk boðið í Laugardagshöllina en þar fór fram Íslandsmót iðn- og verkgreina og framhaldsskólakynning. Allir skólar á landinu fengu boð um að koma á þessar kynningar sem stóðu yfir í þrjá daga.

26 framhaldsskólar kynntu námsframboð sitt, bæði bóklegt og verklegt. Náms- og starfsráðgjafar, kennarar og fulltrúar nemenda voru á staðnum og svöruðu fyrirspurnum um námið, félagslífið og inntökuskilyrði.

Á sama tíma fór fram Íslandsmót iðn- og verkreina sem að jafnaði er haldið á tveggja ára fresti.  Nemendur okkar fengu tækifæri til að fylgjast með þessu unga fólki takast á við krefjandi og raunveruleg verkefni í samkeppni sem reynir á hæfni, fagmennsku og skipulagshæfileika. Einnig gafst þeim kostur á að snerta á og prófa hluti undir handleiðslu fagfólks í ýmsum greinum.

Nemendur Garðaskóla voru til fyrirmyndar í alla staði og hægt er að sjá myndir frá heimasókninni í myndasafninu.

Til baka
English
Hafðu samband