Jafningjafræðsla um einelti

Nemendaráðgjafar í 9. og 10. bekk Garðaskóla eru þessa dagana með eineltisfræðslu fyrir nemendur í 8. bekkjum, undir leiðsögn námsráðgjafa. Hugmyndafræðin með jafningjafræðslunni er sú að yngra fólk getur hugsanlega náð betur til annars ungs fólks en fullorðnir. Í fræðslunni er m.a. rætt um hvað er einelti og hugsanlegar afleiðingar þess, neteinelti, hvernig eigi að bregðast við ef nemendur verða varir við einelti og mikilvægi þess að segja frá.