Nýherji sýnir nemendum Garðaskóla hlýhug!

Notkun myndavéla og myndbandstökuvéla er mikil í Garðaskóla. Við reglulega endurnýjun á tækjakosti til myndvinnslu var viðskiptaaðili okkar Nýherji hf. svo rausnarlegur að færa nemendum skólans að gjöf tvær góðar tökuvélar eina fyrir ljósmyndun og aðra fyrir kvikmyndir (myndbönd). Nýi vélarkosturinn er síðan nemendum til útláns á skólasafni.

Nýherja hf. færum við hjartans þakkir fyrir viðskipti undanfarinna ára og þennan hlýhug sem okkur er sýndur í krepputíð þar sem tækjakaup eru ekki daglegt brauð!! Nemendur skólans munu sannarlega nýta tækin til að glæða verkefni sín og skólans í heild myndrænu lífi!