Heim Beint á efnisyfirlit síðunnar

Gegn einelti í Garðabæ

07.12.2009

Gegn einelti í Garðabæ
-Könnun lögð fyrir nemendur-


,,Gegn einelti í Garðabæ" er aðgerðaáætlun grunnskóla Garðabæjar sem hófst haustið 2003. Markmið hennar er að fyrirbyggja og bregðast við einelti ásamt því að bæta líðan og öryggi nemenda. Verkefnið grundvallast á markmiðum í skólastefnu Garðabæjar.

Megin áherslur aðgerðaráætlunarinnar eru að:

  • Efla vitund og færni allra starfsmanna, forráðamanna og nemenda til að vinna að forvörnum og bregðast við einelti. 
  • Móta skýr viðbrögð og feril við meðferð eineltismála. 
  • Koma á markvissu forvarnastarfi í öllum árgöngum. 
  • Auka fræðslu, upplýsingar og samstarf við forráðamenn. 
  • Kanna umfang og eðli eineltismála hjá nemendum í grunnskólum Garðabæjar.


Til að kanna umfang og eðli eineltismála hjá nemendum í Flataskóla, Garðaskóla, Hofsstaðaskóla og Sjálandsskóla verður rafrænn spurningalisti lagður fyrir nemendur í 4. – 10. bekk í nóvember/desember 2009. Nemendur svara könnuninni á skólatíma. Spurt verður um líðan nemenda, reynslu þeirra af einelti og viðbrögð ef þeir sjálfir og/eða aðrir eru lagðir í einelti.
Eineltisteymi skólanna vinnur úr könnuninni og verða niðurstöður kynntar á heimasíðu hvers skóla fyrir sig.

Skólastjórnendur

Til baka
English
Hafðu samband